Til fyrirmyndar

Þjóðarátak um gildi fyrirmynda

Hver fær bréf frá þér?

Landsmenn eru hvattir til að skrifa bréf sem ber yfirskriftina „Takk fyrir að vera til fyrirmyndar.“ Bréfsefni hefur verið dreift inn á öll heimili landsins. Einnig er hægt að nálgast bréfsefni á pósthúsum og bensínstöðvum N1. Bréfin má setja ófrímerkt í póst innanlands í allt sumar. Tilvalið að skrifa bréf í sumarfríinu til allra þeirra sem hafa verið til fyrirmyndar!

headerheaderheaderheader
  • Á lífsleiðinni velur einstaklingurinn sér fyrirmyndir sem hafa áhrif á hann á ýmsa vegu
  • Með því að  fylgjast með hegðun fyrirmynda sinna lærir fólk á lífið og tilveruna
  • Hver og einn ber ábyrgð á því að vera góð fyrirmynd  
  • Fyrirmyndir bera gildi, viðhorf og venjur í hugsun og hegðun á milli fólks
  • Langalgengast er að fólk telji foreldra sína vera sínar helstu fyrirmyndir
  • Fyrirmyndir veita innblástur til að ná árangri
  • Fyrirmyndir hjálpa okkur að skilgreina hver við erum og viljum vera
  • Rannsóknir sýna að  fyrirmyndir hafa mikil áhrif á náms- og starfsvettvang ungs fólks
  • Fyrirmyndir ryðja oft brautina fyrir nýjum leiðum
  • Fyrirmyndir skipta miklu máli þegar kemur að því að feta fáfarnar leiðir í lífinu
  • Fyrirmyndir þurfa alls ekki að vera fullkomnar heldur fyrst og fremst mannlegar

Tileinkað frú Vigdísi Finnbogadóttur og íslensku þjóðinni

Til fyrirmyndar er yfirskrift hvatningarátaks sem tileinkað er frú Vigdísi Finnbogadóttur og íslensku þjóðinni  í tilefni af því að hinn 29. júní eru  30 ár liðin frá því að Íslendingar voru til fyrirmyndar með því að vera fyrstir þjóða til að kjósa konu sem forseta í lýðræðislegum kosningum – konu sem hefur vakið jákvæða athygli fyrir störf sín og framgöngu. Með átakinu eru landsmenn hvattir til að gefa sér tíma til að staldra við og huga að því sem vel er gert, jafnt stóru sem smáu.
Sjá nánari upplýsingar hér.

Fyrirmyndarvaktin

Sjá allar »Hvað finnst þér »
moya - Útgáfa 1.13 2009 - Stefna ehf